O‘zbekistonda ayrim saytlar faoliyatiga chek qo‘yiladi

O‘zbekiston huquq-tartibot organlari tomonidan foydalanuvchilarga o‘z joniga qasd qilishni o‘rgatuvchi internet saytlari faoliyatiga chek qo‘yiladi.

Xususan, joriy yil 1 noyabriga qadar Ichki ishlar vazirligi o‘z joniga qasd qilishga moyil bo‘lgan shaxslar bilan ishlash bo‘yicha kompleks chora-tadbirlarni ishlab chiqadi.

Bundan tashqari, hayotning qiyin vaziyatlaridan qanday qilib chiqib ketishga doir maslahatlar beradigan, ayni chog‘da ijtimoiy reabilitasiya va moslashuv muassasalari telefon raqamlari ko‘rsatilgan maxsus saytlar yaratiladi.

Jahon sog‘liqni saqlash tashkiloti ma’lumotiga ko‘ra, O‘zbekiston o‘z joniga qasd qilish soni bo‘yicha Markaziy Osiyoda uchinchi o‘rinda qayd etilgan edi.