O‘zbekistonda avtomobil davlat raqami salkam 1 milliard so‘mga sotildi

Avtoraqamlar onlayn auksionida sotuvga qo‘yilgan 01 888 BBB avtoraqami 965 million 250 ming so‘mga sotildi.

Bu haqda avtoraqam.uzex.uz saytida ma’lumot keltirilgan.

Mazkur avtoraqam dastlab 337 million 500 ming so‘m boshlang‘ich narx bilan savdoga qo‘yilgan. Auksion oxirida esa bu avtoraqamning narxi 965 million 250 ming so‘mga ko‘tarilgan.

Ushbu avtoraqam uchun komissiya to‘lovi 48,7 million so‘m, garov 33,75 million so‘mni tashkil etadi. To‘lovni hisobga olgan holda yakuniy qiymat 1 milliard 14 million so‘mni tashkil etdi.

Kim oshdi savdosi g‘olibi auksion tugagan kundan boshlab besh ish kuni ichida davlat ro‘yxatidan o‘tkazilgan avtomobil raqami uchun to‘lovni amalga oshirishi shart.