O‘zbekistonda AES bo‘yicha ishlar deyarli yakunlandi — Rosatom rahbari

O‘zbekistonda atom elektr stansiyasini (AES) qurish bo‘yicha shartnoma bo‘yicha ishlar yakuniy bosqichda. Bu haqida “Rosatom” davlat korporasiyasi bosh direktori Aleksey Lixachyov “Primakov o‘qishlari” IX xalqaro ilmiy-ekspert forumida ma’lum qildi.

O‘zbekistonlik ekspert Baxtiyor Ergashevning “Shartnomani imzolash jarayoni qaysi bosqichda: taraqqiyot, vaqtni belgilash yoki regressiya" degan savoliga javob berar ekan — Lixachyov bu hali ham taraqqiyot, deb aytdi.

“Biz uchastkada bir qator tadqiqot ishlarini olib bordik va qo‘shimcha takliflar, jumladan, kam quvvat va xodimlarni tayyorlash bo‘yicha takliflar berdik. Shartnoma bo‘yicha ishlar ancha qizg‘in davom etmoqda va o‘ylaymanki, biz shartnoma imzolash jarayonidan unchalik uzoq emasmiz", — dedi Lixachyov.

“Rosatom” rahbari, shuningdek, davlat korporasiyasi sohada mahalliylashtirish darajasini hisobga olganini alohida ta’kidlab, qurilish industriyasi salohiyatini, shuningdek, “Rosatom” va O‘zbekiston Fanlar akademiyasi o‘rtasidagi yaqin hamkorlikni ta’kidladi.