Ijtimoiy tarmoqlarda 25 oktyabr kunidan transportlar harakatiga cheklov choralari kuchga kirishi haqida yolg‘on xabar tarqaldi. Bunday xabarlarga Kun.uz saytining 2020 yil 26 iyulda Respublika maxsus komissiyasi qaroriga asoslanib tarqatgan xabaridan olingan skrinshot ilova qilinmoqda.
O‘shanda maxsus komissiya karantin choralarini 15 avgustga qadar uzaytirgandi. Internetda tarqatilayotgan xabarlarda esa eski post sarlavhasiga fotoshop orqali yolg‘on ma’lumot qo‘shimcha qilinganini ko‘rish mumkin.
Sayt tahririyati ijtimoiy tarmoq foydalanuvchilaridan bu kabi soxta xabarlarga ishonmaslikni so‘radi va karantin cheklovlari joriy etilishi bo‘yicha faqat maxsus komissiya qaror qabul qilishi mumkinligini eslatdi.
Ma’lumot uchun, O‘zbekistonda karantin choralari 15 avgustdan keyin bosqichma-bosqich yumshatila boshlangandi. Xususan, avtomobillarning kun davomida harakatlanishiga, mahalliy avia va temir yo‘l qatnoviga, xususiy bog‘cha va maktablar faoliyatiga, 30 kishilik to‘ylarni o‘tkazishga ruxsat berilgan. 17 avgustdan viloyatlar o‘rtasida avtotransport qatnovi hamda jamoat transporti va shahar atrofidagi avtobus qatnovi tiklandi, masjidlar qayta ochildi. 20 avgustdan buyum bozorlari va savdo majmualari qayta ishga tushdi.
Sentyabr oyi boshida esa asosiy cheklovlar bekor qilindi, xalqaro qatnovlar ham tiklana boshlandi, hozirda faqat ko‘chada tibbiy niqobda yurish majburiy hisoblanadi. Sentyabr oyi boshidan buyon maxsus komissiyaning karantinga oid yangi qarori qabul qilinmagan.
Eron raketalarining aksariyati Isroilning Arrow mudofaa tizimi yordamida qo‘shni davlatlar ustida urib tushirilgan
Moskva Isroilning ehtimoliy hujumidan himoya qilish uchun Eronga zamonaviy qiruvchi va havo mudofaa tizimlarini topshirishi mumkin
Tojikiston chegarachilari yetti nafar afg‘onni otib o‘ldirdi
