Isroil Eron aholisini poyezdlardan foydalanmaslik haqida ogohlantirdi

Isroil harbiylari Eron fuqarolarini mamlakat bo‘ylab temir yo‘l xizmatlaridan foydalanish xavfli ekanligidan ogohlantirmoqda.

Isroil mudofaa kuchlarining fors tilidagi X rasmiy ijtimoiy tarmog‘i orqali tarqatilgan "shoshilinch bayonotda" fuqarolardan xavfsizlik nuqtai nazaridan mahalliy vaqt bilan soat 21:00 ga qadar poyezdlarda harakatlanmaslik va temir yo‘l izlari yaqinida bo‘lmaslik so‘ralgan.

Harbiylarning ta’kidlashicha, temir yo‘l tizimidan foydalanish ayni damda insonlar hayotini jiddiy xavf ostiga qo‘yadi. Ushbu ogohlantirish Eronning butun temir yo‘l infratuzilmasi Isroil nishoniga aylanishi mumkinligidan dalolat beradi. Hozircha Eron rasmiylari ushbu tahdid yuzasidan biror bir bayonot bergani yo‘q.