O‘zbekiston Xitoy orqali yangi internet kanallarini ko‘paytirishni rejalashtirmoqda

O‘zbekiston yangi tashqi internet kanalini ulash rejasini tuzmoqda. Bu tashabbus orqali global internet tarmog‘iga qo‘shimcha ulanish liniyasi yaratiladi. Raqamli texnologiyalar vazirligi vakilining so‘zlariga ko‘ra, yangi liniya xalqaro telekomunikasiya tarmoqlarini zaxiralash va aholini sifatli, tezkor internet bilan ta’minlash imkonini beradi.

Hozirgi kunda O‘zbekiston internetga ulanish uchun faqat Shimoliy kanallarga, ya’ni Qozog‘iston va Rossiya orqali o‘tadigan tarmoqlarga qaram. Biroq bu yilgi reja janubiy yo‘nalish — Turkmaniston, Eron, Qirg‘iziston va Xitoy orqali qo‘shimcha internet kanallarini tashkil etishni ko‘zda tutmoqda.