"Joriy yilda Qozog‘iston-O‘zbekiston chegarasida sanoat majmuasi qurilishi boshlanadi". Shunday sarlavhali maqola Qozog‘istonning "Kazinform" xalqaro axborot agentligi saytida joylashtirildi.
Ta’kidlanishicha, Qozog‘istonning Turkiston va O‘zbekistonning Sirdaryo viloyatlarida quriladigan "Markaziy Osiyo" sanoat kooperasiyasi majmuasi qariyb 100 gektar maydonni egallaydi. Loyihaga ko‘ra, u yerda yopiq majmua bunyod etiladi, ishlab chiqarish va ulgurji savdo uchun qulay sharoitlar yaratiladi.
Ma’lum qilinishicha, 2030 yil majmuaning to‘liq ishga tushirilishi va tijorat maqsadlarida foydalanish davri sifatida belgilangan.
"Markaziy Osiyo" sanoat kooperasiyasi Turkiston va Sirdaryo viloyatlari yalpi ichki mahsulotini ko‘paytirish bilan birga, chegaradosh viloyatlarni yirik logistika markaziga aylantirishga xizmat qiladi", — deb yozgan "Kazinform" agentligi.
Armaniston shu yilning o‘zidayoq Yevropa Ittifoqiga kirishga tayyor
Qrimga zarba: rus qo‘mondoni o‘ldirildi
Samarqandda uyi qulagan fuqaro qo‘shnisidan 300 ming dollar talab qildi
