O‘zbekiston Respublikasi Prezidenti Shavkat Mirziyoyev 6 dekabr kuni bo‘lib o‘tgan telefon orqali muloqotda Qirg‘iz Respublikasi Prezidenti Sadir Japarovni tavallud kuni bilan samimiy tabriklab, unga mustahkam sog‘lik, farovonlik va qardosh Qirg‘iziston Qirg‘iziston xalqiga bardavom ravnaq tiladi.
O‘zbekiston bilan Qirg‘iziston o‘rtasidagi strategik sheriklik, do‘stlik va yaxshi qo‘shnichilik munosabatlarini yanada mustahkamlashning amaliy jihatlari muhokama qilindi.
Keyingi yillarda ikki tomonlama hamkorlikda erishilgan yutuqlar alohida mamnuniyat bilan qayd etildi. Barcha darajadagi aloqalar davom etmoqda. Tovar ayirboshlash va yuk tashish hajmi barqaror o‘sib bormoqda. Iqtisodiyotning ustuvor tarmoqlarida qo‘shma loyihalar amalga oshirilmoqda. Faol madaniy-gumanitar va hududlararo almashinuvlar olib borilmoqda.
Yirik strategik loyihalar, jumladan, “O‘zbekiston - Qirg‘iziston – Xitoy” temir yo‘li va Qambarota GES-1 qurilishi doirasidagi ishlar davom etmoqda.
Etakchilar mintaqaviy ahamiyatga molik dolzarb masalalarni ham ko‘rib chiqdilar.
Guliston shahridagi ovqatlanish shoxobchasida portlash ro‘y berdi (video)
Eronda 61 mln tonnalik oltin zaxirasi topildi
AQSh 2026 yildan dollarning yangi namunalarini muomalaga kiritadi
