O‘zbekiston bo‘ylab qator savdo markazlari yopildi

Respublika bo‘yicha FVV va boshqa idoralar tomonidan o‘tkazilgan tekshiruvlarda yong‘in xavfsizligi talablarini qo‘pol ravishda buzgan savdo va ko‘ngilochar ob’ektlar aniqlandi. Kamchiliklar bartaraf etilguniga qadar ularning faoliyati vaqtinchalik to‘xtatildi.

Jumladan:
— Buxoro viloyatida bir qator savdo majmualari, bolalar o‘yingohi pavilioni, binolar va xonalar yopildi;
— Jizzax shahrida savdo markazining umumiy ovqatlanish shoxobchasi faoliyati to‘xtatildi;
— Sirdaryo viloyati, Guliston shahrida savdo markazi yerto‘lasidagi omborxona yopildi;
— Termiz shahrida “Indenim” savdo-ko‘ngilochar markazi vaqtincha faoliyatdan to‘xtatildi.

Tekshiruvlar avtomatik yong‘in o‘chirish tizimlari, evakuasiya yo‘laklari va yong‘inga qarshi vositalar holatini qamrab olmoqda.

Eslatib o‘tamiz, 31 yanvar kuni “Aviator” savdo majmuasidagi yong‘inda 1 kishi halok bo‘lganidan so‘ng bunday tekshiruvlar kuchaytirilgan.