O‘zbekiston bo‘ylab 27-30 noyabr kunlari qanday ob-havo kutilmoqda?

27-28 noyabr kunlari O‘zbekiston hududining katta qismida quruq va juda iliq bo‘lgan ob-havo saqlanib turadi, havo harorati 20-25 darajagacha iliq bo‘ladi. 28 noyabrda faqat Qoraqalpog‘iston Respublikasi, Xorazm viloyatida ba’zi joylarda biroz yomg‘ir yog‘adi. Shimolda va cho‘l hududlarda ba’zi joylarda shamol 15-20 m/s gacha kuchayishi mumkin.

29 noyabrda shimol-g‘arbiy hududlaridan nam havo oqimi kirib kelishi va respublika hududining katta qismida tarqalishi kutilmoqda. Respublika hududi bo‘yicha ba’zi joylarda yomg‘ir yog‘adi, shamol kuchayadi. Qoraqalpog‘iston Respublikasi, Xorazm viloyatida va Farg‘ona vodiysi viloyatlarida yog‘ingarchilik kutilmaydi.

30 noyabrda yomg‘ir faqat Farg‘ona vodiysi viloyatlarida yog‘adi, boshqa hududlar uchun yog‘ingarchilik kutilmaydi.

1 dekabrda butun hudud bo‘ylab quruq ob-havo kuzatiladi.

29 noyabrdan havo harorati pasayishni boshlaydi va ish xaftasining ikkinchi yarmida kechasi 2-7 daraja iliq, kunduzi 10-15 daraja iliq, Respublika shimol hududida kechasi 0-5 daraja sovuq, kunduzi 5-10 daraja iliqni tashkil etadi.

Poytaxtimizda: bugun va ertaga yog‘ingarchilik kutilmaydi. Harorat kundizi 21-24 daraja bo‘ladi.

29 noyabrda vaqti- vaqti bilan yomg‘ir yog‘adi. Harorat 15-17 daraja iliq bo‘ladi.

30 noyabr va 1 dekabrda yog‘ingarchilik kutilmaydi. Havo harorati kechalari 2-7 daraja iliqgacha, kunduzi 10-15 daraja iliqgacha pasayadi.