O‘zbek olimlari ekologik muammolarga innovasion yechim yaratdi

Materialshunoslik instituti olimlari biologik asosda olingan ko‘p qatlamli grafen ishlab chiqdi.

Bu material asosida suvni samarali tozalashga mo‘ljallangan WATER-TOL filtr-pressining laboratoriya namunasi yaratildi.

Grafen inson salomatligi uchun xavfsiz hisoblanadi. U yaralarning tez bitishiga yordam beradi, shuningdek bakteriyalar, viruslar va zamburug‘larga qarshi faol ta’sir ko‘rsatadi.

Eng muhimi, yangi material suv va havoni tozalash, shuningdek zararli moddalar hamda radionuklidlarni yutishda samarali hisoblanadi.