19 mart kuni Toshkent viloyati O‘rta Chirchiq tumani hududidan o‘tuvchi Toshkent—Nurafshon avtomobil yo‘lining 22-kilometrida Damas avtomobili yonib ketdi. Bu haqda IIV YHXBB axborot xizmati xabar berdi.
Soat 17:30 larda haydovchi B.A. boshqaruvida bo‘lgan Damas rusumli transport vositasida yong‘in sodir bo‘lgan. Voqea joyiga o‘t o‘chiruvchilar yetib kelgan va yong‘in bartaraf etilgan.
Foto: IIV YHXBB axborot xizmati
«Yong‘in natijasida tan jarohati olganlar yo‘q. Transport vositasi saloni va texnik qismlari yonib ketgan. Yong‘in yuzaga kelish sabablariga aniqlik kiritilmoqda», — deyiladi xabarda.