O‘rmon yong‘inlaridan chiqqan tutun Kanada va AQShning shimoliy shtatlariga keng tarqaldi

Yuzlab o‘rmon yong‘inlaridan chiqqan tutun va kul Kanada va AQShning shimoliy shtatlarining keng hududlariga tarqalib, bu hududlarda havo sifati nosog‘lom darajaga yetib borishiga sabab bo‘ldi.

Bu haqda Bloomberg agentligi xabar berdi.

Nashrning qayd etishicha, ogohlantirishlar butun Kanada va AQShning 10 shtatlarida e’lon qilingan.

Meteorologlarning fikricha, agar hozirgi ob-havo tendensiyalari davom etsa, yaqin kelajakda vaziyat yaxshilanishi kutilmaydi.

Kanada idoralararo o‘rmon yong‘inlari markazi ma’lumotlariga ko‘ra, mamlakatda 730 dan ortiq o‘rmon yong‘inlari yonmoqda, ulardan kamida 210 tasi nazoratdan tashqarida. So‘nggi oylarda o‘rmon yong‘inlari tutuni bir necha bor AQSh hududiga yetib bordi va 66 ming kvadrat kilometr maydonni ham yo‘q qildi.