O‘mon Sultonligida onasi tashlab ketgan bolakay O‘zbekistonga qaytarildi

“Dunyo” AA xabariga ko‘ra, 2023 yilda tug‘ilgan, hujjatlarsiz qolgan bola O‘zbekiston elchixonasi yordamida Vatanga qaytarildi.

Bola ikki yil davomida Maskatda suriyalik oila parvarishida bo‘lgan. Onasi esa O‘mondan qochib ketib, keyinchalik O‘zbekistonda boshqa jinoyatlari uchun hibsga olingan.

Ikki tomonlama muzokaralar natijasida bolaga tug‘ilganlik haqida guvohnoma rasmiylashtirilgan va elchixona xodimi hamrohligida O‘zbekistonga qaytarilgan.