Maduro Trampni atrofidagilar uni halokat yoqasiga olib borayotganini aytdi
"Ular prezident Trampni yo‘q qilish uchun ikkita mavzudan foydalanmoqda. Biri mashhur “Epshteyn ishi”. Biz bunga aralashmaymiz, bu AQShning ichki ishi. Ikkinchisi esa Venesuela. Ular prezident Trampni hayotidagi eng jiddiy xatoga yo‘l qo‘yishini va Venesuela bilan harbiy mojaroga aralashishini istaydi, bu uning siyosiy rahbariyati uchun yakun bo‘ladi. Ular Trampni halokat yoqasiga olib bormoqda. Shuningdek, Amerikada xavfsizlik kuchlarining shaxsiy manfaatlari bor. Buni kim qilayotganini aniq ayta olmayman. Agar bilsam, buni oshkor qilardim. Qo‘shma Shtatlarda prezident Trampni yo‘q qilish va bu orqali hokimiyatni egallash uchun kurash ketmoqda", — dedi Venesuela prezidenti.
