Ukrainani ko‘pincha turli formatlarga undashadi, bu esa Rossiyaga Ukrainaning NATO'ga hech qachon qo‘shilmasligini ta’minlaydi

Ukrainani ko‘pincha turli formatlarga undashadi, bu esa Rossiyaga Ukrainaning NATO'ga hech qachon qo‘shilmasligini ta’minlaydi — Zelenskiy.

"Biz Ukraina NATO'ga qo‘shiladimi yo‘qmi, bilmaymiz. Albatta, biz barcha kuchimizni ishga solib, urush tugagandan keyin Ukrainaga maksimal darajada xavfsizlik kafolatlarini ta’minlash uchun kurashamiz. Asosiysi, urushga nuqta qo‘yish va u qaytadan boshlanmasligi uchun ishonchli kafolat olish", — dedi Ukraina prezidenti Kanadadagi ukrain diasporasi bilan uchrashuvda.

Eslatib o‘tamiz, yaqinda Trampning vakillari tinchlik takliflari bilan Moskva va Kiyevga tashrif buyurgandi. Zelenskiyning so‘zlariga ko‘ra, ushbu takliflar doirasida Ukrainaning NATO'ga a’zolikdan voz kechishi ko‘zda tutilgan.

Shu bilan birga, Kiyev xavfsizlik kafolatlari doirasida Yevropa qo‘shinlarini Ukrainada joylashtirishni talab qilmoqda, ammo Rossiya bunga rozilik bermaydi. Putin Yevropa qo‘shinlarining Ukrainaga kiritilishi Rossiya bilan urush boshlashga teng bo‘lishini aytdi.