Iroq harbiy qo‘mondoni Saudiya Arabistoniga qilingan dron hujumi uchun ishdan bo‘shatildi

Iroqning Maysan viloyati qo‘mondoni Saudiya Arabistonidagi nishonlarga Iroq hududidan qilingan hujumlar ortidan lavozimidan chetlashtirildi.

Bu haqda Iroq Bosh vaziri Ali az-Zaydiy idorasi ma’lum qildi.

Ushbu qaror yuqorida aytib o‘tilgan voqeadan so‘ng tuzilgan maxsus komissiya tomonidan o‘tkazilgan tergov natijasida qabul qilindi.

"Bosh Vazir janobi Oliylari Saudiya Arabistoni Qirolligidagi birodarlarimizga qilingan hujumlar ushbu viloyat ichida joylashgan hududdan amalga oshirilgani tasdiqlanganidan so‘ng, Maysan viloyatidagi operasiyalar qo‘mondonini lavozimidan chetlashtirishni buyurdi", deyiladi bayonotda.

Iroq Ichki ishlar vazirligi o‘zining maxsus kuchlari maxfiy ombordan 47 ta dron va 46 ta o‘q-dori, shuningdek, boshqaruv bloklari, batareyalar va boshqa tegishli uskunalar va materiallarni topib, musodara qilganini ta’kidladi.

Tergov olib borilmoqda.