Ukraina va AQSh qurol-yarog‘ bo‘yicha kelishuvlarning asosiy tamoyillari bo‘yicha kelishib oldi

30 iyul kuni Ukraina prezidenti Vladimir Zelenskiy AQSh bilan qurol-yarog‘ bo‘yicha kelishuvlarning asosiy tamoyillarini kelishib oldi.

Bu haqda Ukraina yetakchisi kechki murojaatida aytib o‘tdi.

"Men bugun AQSh bilan qurollanish bo‘yicha kelishuvlarimiz asosiy tamoyillari bo‘yicha ham kelishib oldim. Prezident Tramp bilan bu keng ko‘lamli kelishuvlar haqida gapirdim. Va men bularning barchasini bajara olamiz, deb chinakam umid qilaman. Bu, albatta, har ikki davlatimizni, shuning uchun ham ittifoqchilarimizni, hamkorlarimizni mustahkamlaydi", — dedi Zelenskiy.

Uning qayd etishicha, Ukraina AQShning tinchlik uchun Rossiyaga bosim o‘tkazish bo‘yicha qo‘ygan fundamental qadamlarini qadrlaydi.

"Hozir biz Rossiyani tinchlikka majburlash uchun harakat qilishimiz kerak. Ha, Moskva kurashni davom ettirmoqchi. Lekin butun savol potensialda, butun savol urush uchun resurslar, pul haqida. Shuning uchun ham sanksiyalar foydali. Shuning uchun bosim samarali bo‘lishi mumkin", - deya qo‘shimcha qildi Ukraina prezidenti.

Uning so‘zlariga ko‘ra, hozirda turli darajadagi hamkorlar bilan yangi suhbatlar va uchrashuvlar tayyorlanmoqda, ularning maqsadi Ukraina va tinchlikka intilayotgan barchaning pozisiyasini mustahkamlashdan iborat.