Ukraina o‘t ochishni to‘xtatishga tayyor

Rossiya Federasiyasi bilan muzokaralarda Ukraina delegasiyasi rahbari, Milliy xavfsizlik va mudofaa kengashi kotibi Rustem Umerov Ukraina o‘t ochishni to‘xtatishga tayyor ekanligini va doimiy ravishda yetakchilar darajasida uchrashuv o‘tkazish tarafdori ekanini ta’kidladi.

Bu haqda Rustam Umerov o‘zining Facebookdagi sahifasida yozdi.

"Bugun Ukraina prezidenti topshirig‘ini bajarish maqsadida Ukraina delegasiyasi Istanbulda. Muzokaralar oldidan biz jamoa bilan yakuniy tayyorgarlikni amalga oshirdik. Biz adolatli va barqaror tinchlikka erishish uchun - butun xalqimizni, jumladan, Rossiyaga noqonuniy ravishda deportasiya qilinmagan bolalarni qaytarish uchun muzokaralar jarayonini davom ettirmoqdamiz".

Umerovning qayd etishicha, Ukraina o‘t ochishni to‘xtatishga tayyor va delegasiya “bunga erishish uchun har bir, hatto eng kichik imkoniyatdan ham foydalanadi”.

"Va bu mumkin. O‘t ochishni to‘xtatishning barcha texnik mexanizmlari yaxshi ma’lum. Yagona to‘siq - Moskvaning nokonstruktiv pozisiyasi", - deya qo‘shimcha qildi u.

Umerov, shuningdek, Ukraina doimiy ravishda yetakchilar uchrashuvini qo‘llab-quvvatlayotganini ta’kidladi.

"Biz bunga kecha tayyor edik. Bugun tayyormiz. Ertaga esa tayyor bo‘lamiz. Bunday uchrashuv haqiqiy siyosiy taraqqiyot yo‘lini ochishga qodir. Rossiya o‘z tayyorligini namoyish qilishi kerak", - deya chaqirdi u.