Ukraina sobiq mudofaa vaziri mamlakatda ayollar uchun ham majburiy harbiy xizmatni joriy etishni taklif qildi

Aleksey Reznikovning ta’kidlashicha, gender tengligi doirasidagi bu qadam safarbarlik resursini 2 barobarga oshirish imkonini beradi.

"Ayollar orqa safdagi hamda logistika yo‘nalishidagi ko‘plab pozisiyalarni egallashi mumkin. Bu esa front chizig‘iga yaqinroq hududlarga ko‘proq erkak harbiylarni jalb qilishga sharoit yaratadi. Ushbu modelga misol tariqasida Xitoy va boshqa mamlakatlar qatorida doimiy xavf ostida yashaydigan Isroil tajribasini keltirish mumkin", — dedi sobiq vazir.