The New York Times gazetasi Ukraina armiyasi uchun 2024-2025 yillarda amalga oshirilgan davlat xaridlari auditi natijalarini qo‘lga kiritdi. Mudofaa xaridlari agentligi faoliyati davlat audit xizmati va Ukraina Mudofaa vazirligining ichki audit bo‘limi tomonidan tekshirilgan. Bungacha tekshiruv natijalari e’lon qilinmagandi. Ma’lum bo‘lishicha, 2024 yilning o‘zida Ukraina firibgarlik, isrofgarchilik va mudofaa xaridlaridagi samarasiz boshqaruv tufayli 1,2 milliard dollarga yaqin mablag‘ yo‘qotgan.
Tekshiruv hujjatlariga ko‘ra, Ukraina hukumati xaridlar paytida xavotirli signallarni e’tiborsiz qoldirmoqda. Narxlarni oshiradigan yoki yetkazib berish majburiyatlarini bajarmaydigan pudratchi uchun kamdan kam hollarda oqibatlar yuzaga keladi.
Kompaniyalar qurol yetkazib berishga qodirligini isbotlamasdan shartnomalar olishgan. Ba’zi hollarda pudratchida bunday yetkazib berish uchun lisenziya ham bo‘lmagan.
"Armiya o‘ziga kerak bo‘lgan narsalarni ololmayapti, byudjet esa yetkazib berilmaganlik va ortiqcha to‘lovlar tufayli qisqarmoqda. Natijada bizda ko‘proq qurol buyurtma qilishga pul yo‘q, kerakli miqdordagi o‘q-dorilar ham yo‘q", — dedi Ukraina mudofaa xaridlari agentligi sobiq maslahatchisi Tamerlan Vagabov NYT nashriga bergan intervyusida.
Dunyo xaritasi 500 yil ichida ilk bor yangilandi
💴 Adliya vazirligi O‘zbekistondagi pensiya va nafaqalar miqdorini eslatdi
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
