Ukraina Yevropaga asosiy harbiy texnika yetkazib beruvchiga aylanadi

Qo‘shma Shtatlar Ukraina mudofaa xarajatlarini ko‘paytirar ekan, Yevropa davlatlari uchun asosiy harbiy texnika yetkazib beruvchiga aylanishini kutmoqda.

Bu haqda AQShning NATOdagi doimiy vakili Mettyu Uiteker Fox News telekanaliga bergan intervyusida ma’lum qildi.

"Ukraina albatta Yevropaga asosiy harbiy texnika yetkazib beruvchiga aylanadi, chunki Yevropa davlatlari hamma kelishib olgan 5 foizni sarflaydi", — dedi Uiteker.

Uning so‘zlariga ko‘ra, Ukraina iqtisodiyoti qanday bo‘lishi haqida hozirdanoq o‘ylash kerak. Uning ta’kidlashicha, Ukraina mudofaa sektoridan tashqari qishloq xo‘jaligi iqtisodiyoti, portlari va infratuzilmasini tiklashi kerak, buning uchun “asosan Yevropadan ko‘p mablag‘ talab qilinadi”.