“Ukraina elitasiga ishonib bo‘lmaydi”. AQShning tinchlik rejasining yangi talqini

Britaniyaning Financial Times gazetasi AQShning Ukrainani tinchlikka chorlov rejasining yangi versiyasini e’lon qildi. Yangi matnda NATO va hududiy masalalar bilan bog‘liq bir qator qoidalar avvalgi takliflardan sezilarli farq qiladi. Hujjat Ukraina prezidenti Vladimir Zelenskiyga topshirilgan, ammo u bu tashabbusni qabul qilmoqchi emas.

Asosiy o‘zgarishlar:

• Donbasning faqat 30% hududida demilitarizasiyalangan zona tashkil etiladi.

• Qrim, Donesk va Luganskning hududiy maqomi diplomatik yo‘l bilan hal qilinishi ko‘zda tutiladi.

• Xerson va Zaporojye front chizig‘i bo‘yicha hozirgi nazorat holati tan olinadi.

• Rossiya Qo‘shinlari Dnepropetrovsk, Xarkov va Sumidan chiqarilishi kerak.

• Ukrainada xorijiy qo‘shinlar joylashtirilishi taqiqlanadi.

• Zaporojye AESi AQSh nazoratida qayta ishga tushiriladi.

• Ukraina NATOga a’zo bo‘lmasligi kafolatlanadi, ammo rasman a’zolikdan voz kechishi shart emas.

• Ukraina Qo‘shinlari soni 600 mingdan 800 mingga oshirilishi mumkin.

• Rossiyaning muzlatilgan aktivlaridan ikkita maqsadda foydalanish — 200 mlrd dollar Ukraina rekonstruksiyasiga, qolgani AQSH-Rossiya qo‘shma loyihalariga.

• Jang harakatlaridan so‘ng Ukrainada darhol saylovlar o‘tkaziladi.

Minchenko fikri:

Siyosatshunos Yevgeniy Minchenkoga ko‘ra, Ukrainaning NATO bilan aloqasi eng asosiy masala. “Ukraina elitasi har doim yolg‘on gapiradi, ularning so‘zi ishonchli emas. AQShning kafolatlari biraz qimmat, ammo mutlaq emas”, — deydi ekspert.

Yangi talqin avvalgi takliflarga nisbatan, hududiy nizolar va xavfsizlik kafolatlari masalasida aniqroq va amaliyroq hisoblanadi.