Ukraina dronlari Rossiyaning Rostov viloyatidagi Ozon va DNS omborlariga hujum qildi

Ukraina dronlari Rossiyaning Rostov viloyatidagi Ozon va DNS omborlariga hujum qildi.

Telegram-kanallar DNS elektronika do‘konlari tarmog‘ining ikkita ombori zarbaga uchragani haqida yozmoqda. "Astra" nashri videolarni tahlil qilib, kompaniyaning kamida bitta ombori, Aksaydagi binosida yong‘in yuzaga kelgani haqida xulosaga keldi.

Shuningdek, dronlar Rostov viloyatidagi Ozon marketpleysi omboriga ham hujum qildi, buni kompaniya matbuot xizmati tasdiqladi.

Ma’lum qilinishicha, omborda yong‘in kelib chiqqan va u tezda o‘chirilgan. Hujum oqibatida hech kim jabrlanmagan. "Astra" ma’lumotlariga ko‘ra, ushbu bino DNS ombori yonida joylashgan bo‘lgan.