Ukraina delegasiyasi Istanbulga yetib keldi

Ukraina delegasiyasi Rossiya tomoni bilan navbatdagi muzokaralar uchun Istanbulga yetib keldi.

Bu haqda Ukraina OAVlari xabar bermoqda.

14 kishidan iborat Ukraina delegasiyasiga mudofaa vaziri Rustem Umerov boshchilik qilmoqda.

Delegasiyalarning uchrashuvi kunning ikkinchi yarmiga rejalashtirilgan.

Rossiya delegasiyasi kecha kechqurundan beri Istanbulda. Rossiya delegasiyasi rahbari, Rossiya Federasiyasi prezidentining yordamchisi Vladimir Medinskiy avvalroq Rossiya mojaroni tinch yo‘l bilan hal etish bo‘yicha memorandumning ukraincha versiyasini ukrain va ingliz tillarida olgani haqida xabar bergan edi.