Ukraina prezidenti Vladimir Zelenskiy AQSh yetakchisi Donald Tramp ma’lum qilgan “mingga ming” formulasi bo‘yicha Rossiya bilan harbiy asirlar almashinuvi amalga oshishi kerakligini aytdi.
"Asirlar almashinuvi tayyorlanmoqda, u o‘tkazilishi shart. Ukrainaning muvofiqlashtiruvchi shtabi ming kishilik ro‘yxatni Rossiya tomoniga topshirdi. Almashinuv bo‘yicha kelishuvda Vashington vositachilik qildi. Shunga ko‘ra, AQSh tomoni ushbu kelishuvlar ijrosini ta’minlashda faol bo‘lishini kutib qolamiz", — dedi Zelenskiy.