To‘rt yildan beri elektromobilda yashab kelmoqda: xitoylik IT-mutaxassisning g‘ayrioddiy tanlovi

Xitoylik dasturchi Chjan Yunlay o‘zining noan’anaviy turmush tarzi bilan jamoatchilikni lol qoldirdi. To‘rt yildan buyon u o‘z ona shahrida to‘rt qavatli keng uyiga ega bo‘lishiga qaramay, elektromobilida yashab kelmoqda, deb yozadi South China Morning Post nashri.

Uy 400 kvadrat metrni tashkil qiladi va Chjan har hafta unga tashrif buyuradi.

G‘ayrioddiy tanlovning hikoyasi parkga bir sayohatdan keyin boshlandi. Tabiatda lager tajribasi dasturchini hayotiy ustuvorliklarini qayta ko‘rib chiqishga ilhomlantirdi. Ilgari u kvartirani ijaraga olgan va oyiga taxminan 340 dollar to‘lagan. Ammo elektromobil xarid qilgan Chjan orqa o‘rindiqda matras o‘rnatish orqali bemalol uxlashi mumkinligini anglagan.

"Elektromobil kondisioner bilan jihozlangan, matras esa uxlash uchun ancha qulay", — deya o‘rtoqlashdi xitoylik IT-mutaxassis. Uning ta’kidlashicha, bu turmush tarzi pulni tejash usuli emas, balki erkinlik va qulaylik hissi bilan bog‘liq shaxsiy tanlovdir.

Yunlayning so‘zlariga ko‘ra, uning kunlik xarajatlari hozirda kompaniya oshxonasidagi ovqatlanish va boshqa xarajatlarni o‘z ichiga olgan holda taxminan 14 dollarni tashkil qiladi. "Menga tekin kvartirani taklif qilishsa ham, men ko‘chib o‘tmagan bo‘lardim. Bog‘dagi muhit oddiy kvartiraga qaraganda ancha yaxshi", - deya qayd etdi dasturchi.

Chjanning hisob-kitoblariga ko‘ra, uning noan’anaviy turmush tarzi uch yil davomida uni taxminan 14 000 dollar tejagan. Ammo asosiysi, u erkinlik va tabiat bilan uyg‘unlik tuyg‘usiga ega bo‘ldi, uni shahardagi kvartiralarga almashtirmaydi.