"Xronika Turkmenistana" nashrining yozishicha, anomal sovuq natijasida Amudaryo suvining muzlab qolgan qismini portlatish amaliyoti "Amu-Buxoro" kanali orqali O‘zbekistonga suv tortib beruvchi nasos stansiya metal trubasi hamda ponton ko‘prigiga shikast yetkazgan.
Turkmanistonning Lebap viloyatidan oqib o‘tuvchi Amudaryo suvining muzlab keyinroq, aholi yashash xonadonlarida sel-suv toshqin xavfini kamaytirish maqsadida turkman hukumati, mahalliy favqulodda vaziyatlar, harbiy qismning ponton-ko‘prik brigadasi hamda transport komunikasiya fuqaro mudofaasi boshqarmasi Kerki va Garabekevul tumanlarida 18-21 yanvar kunlari daryo muzini portlatish ishlarini olib borgan.
Potlashlar natijasida bir-biridan ajralib ketgan muz to‘plamlari pontok ko‘prigini shikastlab, yetti kilometrgacha bo‘lgan pastki hududga "eltib" qo‘ygan. Bundan tashqari, muz parchalari O‘zbekistondagi Amu-Buxoro kanaliga suv tortadigan nasos stansiyasining birinchi ko‘targichidagi metall quvurni uzib yuborgan.
Harbiylar muzni portlatish ishlarining muvaffaqiyatsiz yakunlanganini portlovchi moddalarning yaroqlilik muddati o‘tgani bilan izohlashgan. Ponton-ko‘priklar 18-22 yanvar kunlari yopilgan, mahalliy hokimiyat va polisiya cho‘ponlardan qo‘ylarini daryodan uzoqroqqa haydashni talab qilgan.
Amudaryoning anomal sovuqlar tufayli muzlashi oxirgi marta 2008-yili sodir bo‘lgan. O‘shanda ham bu holat ponton ko‘prigining vayron bo‘lishi va aholi punktlari uchun suv toshqini xavfini yaratgan.
Shoygu urush tugaydigan “aniq va shubhasiz” sanani ma’lum qildi
Rossiya hukumati bunga rozi bo‘ldi
Putin va Ilhom Aliyev temir yo‘l sohasi faxriylari va xodimlari bilan uchrashuv o‘tkazdi
