Turkiyaning yong‘in o‘chirish samolyoti Xorvatiyada halokatga uchradi

Turkiya Qishloq va o‘rmon xo‘jaligi vazirligiga qarashli O‘rmon xo‘jaligi bosh boshqarmasiga tegishli yong‘in o‘chirish samolyoti halokatga uchradi.

OAVlar xabar berishicha, vazirlik halokat haqida ma’lum qilgan.

"Samolyotlar 12 noyabr kuni ertalab Chanoqqal’adan Zagreb aeroportiga jo‘nab ketdi. Biroq noqulay ob-havo sharoiti tufayli ular bir kecha-kunduzda Riyeka aeroportiga (Xorvatiyadagi shahar) qo‘ndi. Bugun Turkiya vaqti bilan 17:38da ular yana Xorvatiya poytaxtiga jo‘nab ketishdi, biroq yomon ob-havo tufayli yana qaytishga qaror qilishdi. Ikkinchisida esa Turkiya vaqti bilan 18:25 da esa Riyeka bilan aloqa uzilib qoldi", deyiladi departament bayonotida.

Turkiya qishloq xo‘jaligi va o‘rmon xo‘jaligi vaziri Ibrohim Yumaklining ma’lum qilishicha, radarlardan g‘oyib bo‘lgan samolyot qoldiqlari Xorvatiyaning Senj shahri yaqinida topilgan.

Halokatda uchuvchi halok bo‘lgan.