Muxolifatdagi Jumhuriyat xalq partiyasi (CHP) 23 mart kuni hokimiyatdan chetlatilgan va qamoqqa olingan Istanbul meri Ekrem Imomo‘g‘luni prezidentlikka nomzod sifatida ko‘rsatdi. Partiya praymerizlarida jami 15 million fuqaro qatnashdi, bu esa mamlakatda ro‘yxatga olingan saylovchilarning deyarli to‘rtdan bir qismini tashkil etadi. Ulardan 13,2 million nafari yagona nomzod bo‘lgan Imomo‘g‘luni qo‘llab-quvvatladi.
Jumhuriyat xalq partiyasi raisi O‘zgur O‘zel Turkiyaning amaldagi prezidenti Rajab Toyyib Erdo‘g‘anni muddatidan oldin prezidentlik saylovlarini o‘tkazish va Ekrem Imomo‘g‘lu bilan raqobatlashishga chaqirdi.
Bir necha kun oldin Ekrem Imamo‘g‘lu qo‘lga olingan edi, hozirda u hibsda saqlanmoqda. Siyosatchi korrupsiya va mamlakatda taqiqlangan “Kurdiston ishchilar partiyasi”ni qo‘llab-quvvatlashda ayblanmoqda. Shuningdek, u Istanbul meri vazifasini bajarishdan vaqtincha chetlatilgan. Muxolifatdagi siyosatchi hibsga olinganidan so‘ng mamlakatda norozilik namoyishlari boshlandi, yuzlab odamlar qo‘lga olindi.
Rossiya aeroportida o‘zbekistonliklar qo‘lga olindi
Surxondaryoda pomidorni shpaklyovkaga "aylantirishdi"
Rossiya harbiylari Ukraina Qurolli kuchlarining qurol zavodi va aerodromiga zarba berdi
