Turkiyada 10 ga yaqin o‘zbekistonlik shubhali pul o‘tkazmalari bo‘yicha tergov qilinmoqda

Turkiyaning Aydin viloyatida bank kartalari orqali amalga oshirilgan shubhali pul o‘tkazmalari yuzasidan 10 ga yaqin O‘zbekiston fuqarosiga nisbatan tergov olib borilmoqda. Ayrim fuqarolar qamoqda yoki deportasiya markazida saqlanmoqda, boshqalari esa mamlakatdan chiqish cheklovi bilan ozod qilingan. O‘zbekistonning Istanbuldagi Bosh konsulxonasi vaziyatni kuzatib, fuqarolarga konsullik-huquqiy yordam ko‘rsatmoqda. Konsulxona fuqarolarni bank kartasi va hisob raqamlarini begona shaxslarga bermaslik, kelib chiqishi noma’lum pullarni qabul qilmaslik va o‘tkazmaslikka chaqirdi.