Turkiya Trampdan nima kutayotgani oshkor bo‘ldi

Turkiya joriy yilning 20 yanvarida inaugurasiya marosimi bo‘lib o‘tadigan AQShning saylangan prezidenti Donald Trampdan asosiy umidlarini oshkor qildi.

Bu haqda Turkiyaning hukmron Adolat va taraqqiyot partiyasi (AK Parti) rasmiy vakili O‘mer Chelik bayonot berdi.

Uning qayd etishicha, Anqaraning asosiy umidi G‘azodagi urushni tugatishdir.

"Albatta, biz ham Rossiya-Ukraina urushining tugashini kutmoqdamiz" - deb qo‘shimcha qildi Chelik.

AK Parti vakili, shuningdek, Turkiya uchun AQSh saylovlarida kim g‘alaba qozonishi – respublikachilarmi yoki demokratlar muhim emasligini ta’kidladi: "Natijalar e’lon qilinishidan oldin ham biz ularning har biri bilan ishlashga tayyorligimizni bildirgan edik".