Fiso Zelenskiyni rad etdi

Slovakiya bosh vaziri Robert Fiso juma kuni Ukraina prezidenti Vladimir Zelenskiyning gaz tranzitini muhokama qilish bo‘yicha taklifiga binoan Kiyevga bormasligi ma’lum bo‘ldi.

Bu haqda Slovakiya parlamenti vitse-spikeri, bosh vazir partiyasining vakili Tibor Gashpar TASSga xabar berdi.

"Kecha hukumat rahbari Fiso Zelenskiyga ochiq xat yo‘llab, uni muzokaralarga taklif etgandi. Zelenskiy esa juma kuni Kiyevga kelish kerakligini aytdi. Buni amalga oshirishning imkoni yo‘q. Menimcha, bu uchrashuvning bo‘lishi dargumon," - deya ta’kidladi Gashpar.