Turkiya, Rossiya, Suriya va Eron tashqi ishlar vazirlarining yangi uchrashuvini tashkil etish masalasi muhokama qilinmoqda.
Bu haqda diplomatik manbalar ma’lum qildi.
Ma’lum qilinishicha, muzokaralar sanasini aniqlash uchun tashqi ishlar idoralari rahbarlarining jadvallari bir-biriga mos kelishi kerak.
"Bu masala muhokama qilinmoqda. Lekin natijaga erishish uchun barcha vazirlarning ish jadvali mos kelishi kerak. Bu jarayon, davom etmoqda", - dedi manba.
Eslatib o‘tamiz, avvalroq tashqi ishlar vazirlari Moskvada to‘rt tomonlama uchrashuv o‘tkazgan edi. Natijada Turkiya va Suriya o‘rtasidagi munosabatlarni normallashtirish uchun yo‘l xaritasi loyihasini tayyorlashga kelishib olgandi.
