Turkiya Rossiya bilan savdo hajmini oshiradi

Turkiya prezidenti Rajab Toyyib Erdo‘g‘on rossiyalik hamkasbi Vladimir Putin bilan bo‘lib o‘tgan qo‘ng‘iroqda Anqara va Moskva o‘rtasidagi savdo aloqalarini kengaytirish istagida ekanligini aytdi.

Turkiya raisligi bayonotiga ko‘ra, Turkiya Rossiya bilan bir qancha yo‘nalishlarda «hamkorlikni oshirishni», «ayniqsa, savdo hajmini kengaytirishni» istaydi.

Rossiyaning Ukrainaga bostirib kirishini qoralar ekan, Turkiya urushda neytral pozisiyani egalladi va G‘arbning Moskvaga qo‘ygan sanksiyalariga qo‘shilmadi, Erdog‘an o‘z siyosatini mamlakatning Rossiya neft va gaziga tayanishi bilan oqladi.