Ushbu jinoyatni sodir etishga aloqador bo‘lgan jami 7 nafar shaxs aniqlanib, 5 nafariga nisbatan qamoqqa olish ehtiyot chorasi qo‘llanildi, shuningdek, 2 nafariga nisbatan qidiruv e’lon qilingan edi.
Bosh prokuratura tomonidan Qibray tumanida O‘zbekiston Respublikasi Prezidenti Administrasiyasi Axborot siyosati departamentining sobiq rahbari Komil Allamjonovga sodir etilgan qotillikka suiqasd qilish bilan bog‘liq jinoyat ishi yuzasidan rasmiy bayonot bilan chiqdi
Bayonotda ta’kidlanishicha, ish yuzasidan tergov harakatlari olib borilmoqda.
Qayd etilishicha, tergov harakatlari davomida hodisa sodir bo‘lgan joyni va ayblanuvchilar boshqaruvida bo‘lgan avtomashinalarni ko‘zdan kechirish hamda ular istiqomat qilgan xonadonlarda o‘tkazilgan tintuvlarda ishga aloqador bo‘lgan ashyoviy dalillar aniqlanib olindi.
O‘tkazilgan tergov va tezkor–qidiruv tadbirlari davomida ushbu jinoyatni sodir etishga aloqador bo‘lgan jami 7 nafar shaxs aniqlanib, 5 nafariga nisbatan qamoqqa olish ehtiyot chorasi qo‘llanildi, shuningdek 2 nafariga nisbatan qidiruv e’lon qilingan edi.
Qidiruvda bo‘lgan ayblanuvchi K.S.ning Qozog‘iston Respublikasida yashiringan manzili aniqlanib, uning ishtirokida tergov harakatlari olib borildi.
Shuningdek, qidiruvda bo‘lgan ayblanuvchi Javlon Yunusov Janubiy Koreya Respublikasida qo‘lga olinib, O‘zbekistonga ekstradisiya qilindi.
Tergov harakatlari davom etmoqda.
Rossiya Britaniyaning “Storm Shadow” raketasini ham, AQShda ishlab chiqarilgan HIMARS reaktiv raketasini ham yo‘q qildi
Shols rus «Oreshniki» dan qo‘rqib ketdi
Sobiq DXX raisi qayerda ishlashi ma’lum qilindi
