"Turkiya 10 yil oldin bunday vaziyatlarda qanday yo‘l tutish kerakligini ko‘rsatgandi"

Litva mudofaa vaziri Rossiya qiruvchi samolyotlari NATO mamlakatlari havo hududini buzgan taqdirda, ularni urib tushirishni taklif qildi

Dovile Shakalene 2015 yilda Turkiya Suriya bilan chegarada o‘z hududiga kirgan Rossiyaning Su-24 samolyotini urib tushirganini eslatib o‘tdi.

"Tallinning osmonida Rossiyaning uchta qiruvchi samolyotlarining paydo bo‘lishi bu NATO'ning “Sharqiy qo‘riqchi” operasiyasi zaruriyatga aylanganining yana bir ishonchli dalilidir. Alyansning shimoli-sharqiy chegarasida bekorga nazorat kuchaytirilmadi. Biz jiddiy harakat qilishimiz shart. Turkiya 10 yil oldin bunday vaziyatlarda qanday yo‘l tutish kerakligini ko‘rsatgandi. Bu haqda o‘ylab ko‘rishimiz kerak", — deb yozdi Dovile Shakalene X ijtimoiy tarmog‘ida.

Eslatib o‘tamiz, kecha Estoniya Rossiyaning uchta MiG-31 qiruvchi samolyoti bilan o‘zining havo hududini buzganini ma’lum qildi. Rossiya buni inkor qilmoqda.