Turkish Airlines 9 maygacha Pokistonga parvozlarni bekor qildi

Turkish Airlines mintaqadagi vaziyat tufayli 8 va 9 may kunlari Pokistonga va Pokistondan parvozlarni amalga oshirmaydi.

Bu haqda kompaniya bayonotida aytilgan.

"Osiyodagi siyosiy beqarorlik tufayli Islomobod va Lahorga 8 may, payshanba va 9 may, juma kunlari parvozlarimiz bekor qilindi”, — deyiladi bayonotda.

Natijada Istanbul, Islomobod va Lahor o‘rtasida har ikki yo‘nalishda oltita reys amalga oshirilmaydi.

Ushbu yo‘nalishlar uchun 7 maygacha sotib olingan chiptalar qo‘shimcha to‘lovsiz qaytarilishi yoki boshqa sanalarga o‘tkazilishi mumkin, dedi kompaniya.