Turk madaniyati va merosi jamg‘armasi “Turkiy dunyo haftaligi” ishtirokchilarini qabul qildi

2026 yil 3 iyul kuni Birinchi Turkologiya qurultoyining 100 yilligiga bag‘ishlangan “Turkiy dunyo haftaligi” doirasida Turk madaniyati va merosi jamg‘armasi qarorgohida uchrashuv bo‘lib o‘tdi. Unda Jamg‘arma prezidenti, professor Aktoti Raimqulova hamda Haftalik tadbirlarida ishtirok etayotgan mahalliy va xalqaro mehmonlar qatnashdilar.

Uchrashuvning asosiy maqsadi “Turkiy dunyo haftaligi” doirasida o‘tkazilgan tadbirlar yakunlarini sarhisob qilish, Haftalik davomida ilgari surilgan g‘oya va takliflarni muhokama etish, shuningdek, kelgusidagi hamkorlik, qo‘shma tashabbuslar va strategik istiqbollar yuzasidan fikr almashishdan iborat bo‘ldi.

Mehmonlarni qutlar ekan, Turk madaniyati va merosi jamg‘armasi prezidenti, professor Aktoti Raimqulova Haftalik davomida tashkil etilgan tadbirlar nafaqat turkiy dunyoning boy madaniy va intellektual salohiyatini namoyon etgani, balki turli mamlakatlar vakillari o‘rtasidagi muloqotni yanada mustahkamlashga ham salmoqli hissa qo‘shganini ta’kidladi.

Jamg‘arma prezidenti Haftalik yakunlarini sarhisob qilish faqatgina o‘tkazilgan tadbirlar natijalarini baholash bilangina cheklanmasligini qayd etdi. Uning so‘zlariga ko‘ra, Haftalik davomida ilgari surilgan yangi g‘oya va tashabbuslar kelgusidagi loyihalarni amalga oshirish uchun muhim asos bo‘lib xizmat qiladi.

Samimiy va konstruktiv ruhda o‘tgan uchrashuv davomida mahalliy hamda xorijiy mehmonlar “Turkiy dunyo haftaligi” haqidagi taassurotlari bilan o‘rtoqlashib, tadbirlarning mazmuni va ahamiyati yuzasidan o‘z fikr-mulohazalarini bildirdilar. Ishtirokchilar Haftalik turkiy dunyoning turli mamlakatlari vakillarini yagona platformada jamlaganini yuksak baholab, bunday formatdagi tadbirlarni muntazam davom ettirish, ularning geografiyasi va ko‘lamini yanada kengaytirish zarurligini ta’kidladilar.

Muhokamalar chog‘ida ishtirokchilar “Turkiy dunyo haftaligi”ning muvaffaqiyatli va yuksak saviyada tashkil etilishiga munosib hissa qo‘shgan Ozarbayjon Respublikasi hukumati, Ozarbayjon Respublikasi Madaniyat vazirligi hamda barcha hamkor tashkilotlarga chuqur minnatdorlik izhor etdilar.

Uchrashuv yakunida ishtirokchilar “Turkiy dunyo haftaligi” davomida yo‘lga qo‘yilgan muloqot va hamkorlikni izchil davom ettirish muhimligini alohida ta’kidlab, ilgari surilgan tashabbuslar kelgusida yangi qo‘shma loyihalar shaklida o‘z amaliy ifodasini topishiga ishonch bildirdilar.