To‘qayev: Putin Yevroosiyo integrasiyasi boshida turgan Nazarboyevni qadrlaydi

Rossiya rahbari Vladimir Putin Qozog‘istonning birinchi prezidenti Nursulton Nazarboyevni Yevroosiyo integrasiyasining boshida turgan tajribali siyosatchi sifatida qadrlaydi.

Bu haqda Qozog‘iston prezidenti Qosim-Jo‘mart To‘qayev "Turkiston" gazetasiga bergan intervyusida aytib o‘tdi.

"U Nursulton Nazarboyevni Yevroosiyodagi integrasiya jarayonining boshida turgan tajribali siyosatchi sifatida qadrlaydi. Bu jarayonda Rossiya yetakchi rol o‘ynaydi," - dedi To‘qayev.

Uning so‘zlariga ko‘ra, Putin va Nazarboyevning vaqti-vaqti bilan bo‘lib turadigan uchrashuvlari Rossiya rahbarining yuksak insoniy fazilatlaridan darak beradi.