— Allo, bu poliklinikami?
— Ha.
— Analizlarni pochta orqali qabul qilasizlarmi?
— Ha, faqat elektron pochta orqali.
* * *
“Tez yordam”ga qo‘ng‘iroq qilishdi:
— Iltimos, menga yordam bering! Umrim 59 soniyagina qoldi.
— Xo‘p bo‘ladi, bir daqiqa…
* * *
Yangi o‘zbek bankka kelib hisobchidan so‘radi:
— Sizlardan yuz dollargina kredit olsam bo‘ladimi?
— Ha, bo‘ladi. Ammo sizga aytib qo‘yay. Bankimizda eski qoidalar saqlanib qolgan. Ya’ni, kredit olayotganingizda nimanidir garov sifatida tashlab ketishingiz lozim.
— Ana, “Kadillak” mashinamni ola qoling!..
— Bo‘pti, yiliga uch foizdan qo‘shib qaytarasiz!
Yangi o‘zbek yuz dollarni oldi-da, bir yildan so‘ng bir yuz uch dollar qilib qaytardi.
Hisobchi undan so‘radi:
— Tushunmadim. Bizni ahmoq qilmoqchi bo‘ldingizmi? Shunday badavlat odam bankdan yuz dollar olib o‘tirsa?! Yo buning biror siri bormi?
— Albatta. O‘zingiz o‘ylang, shunday mashinamga sizlardagiday arzon garajni qayerdan topaman, axir?