U Putin bilan suhbatlar urushni yakunlashga olib kelmayotganidan norozi, dedi AQSh Davlat kotibi.
Marko Rubioning Fox News telekanaliga bergan intervyusida aytishicha, prezident Donald Tramp Ukrainada tinchlikka erishishni o‘zi uchun asosiy maqsad deb biladi.
"Menimcha, Vladimir Putin bilan yaxshi aloqalar va telefon suhbatlariga qaramay, bu hech qanday aniq natijaga olib kelmayotgani Trampning hafsalasini pir qilgan. Shuning uchun amaliy choralar ko‘rish vaqti keldi. Menimcha, prezident buni aniq bayon qildi. Trampning sabri tugab bormoqda, u Rossiyaning Ukrainadagi urushni to‘xtatishni uzoq vaqt kutib o‘tirishga tayyor emas", — deya ta’kidladi Davlat departamenti rahbari.
Rubioning so‘zlariga ko‘ra, 2025 yil yanvaridan beri Ukraina urushida Rossiya 100 ming nafardan ortiq askarini yo‘qotgan.
"Bu “qonli mojaro”, biroq ko‘plab muzokaralar vaqtdan yutish va tinchlikka qiziqish bor degan ko‘rinishni yaratishdan nariga o‘tmayapti. Prezident Donald Tramp “cheksiz muzokaralar tuzog‘iga tushishni” rejalashtirmayapti", — deya qo‘shimcha qildi Rubio.
Hindiston o‘z talabalariga O‘zbekistondagi universitetda o‘qishni taqiqladi
Isroil Turkiyaning qaroridan bezovta bo‘lmoqda
Er tezroq aylana boshladi – tadqiqot
