Trampning qo‘ng‘irog‘idan keyin Tailand Kambodja bilan o‘t ochishni to‘xtatish haqidagi kelishuvni tasdiqladi

Tailand Kambodja bilan sulh tuzishga rozi, ammo boshqa tomonning "samimiy niyati"ni ko‘rishni istaydi.

Bu haqda Tailand bosh vaziri vazifasini bajaruvchi, mamlakat bosh vaziri o‘rinbosari va ichki ishlar vaziri Pxumtxam Vechaychay ma’lum qildi.

Shanba kuni ertalab AQSh prezidenti Donald Tramp Tailand va Kambodja yetakchilari u bilan suhbatda o‘t ochishni to‘xtatish istagini bildirganini aytgan edi. Uning so‘zlariga ko‘ra, Pnompen va Bangkok allaqachon “zudlik bilan uchrashish”ga kelishib, sulh ustida ishlashni boshlashgan. Tramp, shuningdek, ushbu shart bajarilgandan so‘ng tomonlarga AQSh bilan savdo kelishuvlarini muhokama qilishga qaytish imkoniyati berilishini ham aniq aytdi.

"Men prezident Tramp bilan suhbatda bo‘ldim, u Tailand va Kambodjadan zudlik bilan sulh tuzishni talab qildi. Men prezident Trampga tashvishi uchun minnatdorchilik bildirdim va Tailand umuman sulhga rozi ekanini ta’kidladim. Biroq, Tailand Kambodja tomonidan samimiy niyat ko‘rishni xohlaydi", — dedi u.

U AQSh prezidentidan Bangkok o‘t ochishni to‘xtatish va “nihoyatda nizoni tinch yo‘l bilan hal etish”ni muhokama qilish uchun imkon qadar tezroq ikki tomonlama muloqot o‘tkazishni xohlashini bildirishni so‘radi.