Trampning maxsus vakili Moskvaga qachon tashrif buyurishi ma’lum bo‘ldi

AQSh prezidenti Donald Tramp uning maxsus vakili Stiven Uitkoff kelasi hafta Rossiyaga tashrif buyurishini aytdi.

Oq uy rahbari bu haqda Bedminsterdan (Nyu-Jersi) Vashingtonga uchishidan oldin jurnalistlarga ma’lum qilgan.

Trampning so‘zlariga ko‘ra, Uitkoffning tashrifi 6-7 avgust kunlariga mo‘ljallangan. "U chegaradagi, xususan, G‘azo sektoridagi vaziyat va odamlarga oziq-ovqat yetkazib berish masalalariga e’tibor qaratgan", — dedi prezident. Uning qo‘shimcha qilishicha, Rossiya tomoni maxsus elchi bilan uchrashishga qiziqish bildirgan: "Ular u bilan ko‘rishmoqchi, uchrashishni so‘rashdi. Ko‘ramiz, nima bo‘ladi" - dedi Tramp.