Trampning harakatlaridan so‘ng Yevropa AQShga qarshi qat’iy pozisiyani egalladi

AQSh prezidenti Donald Trampning Grenlandiyaga doir harakatlari Qo‘shma Shtatlar va Yevropa o‘rtasidagi munosabatlarni keskinlashtirdi. Bu haqda Politico nashri yevropalik amaldorga tayanib xabar berdi.

Manbaga ko‘ra, Yevropa tomoni AQSh ma’muriyati bilan munosabatlarda ancha qat’iy yo‘l tutishga majbur. “Ilgarigi hamkorlik davri ortda qoldi. Endi esa gap hokimiyat uchun kurash haqida ketmoqda”, — dedi u nashrga.

Amaldor, shuningdek, yevropaliklar fikrlash tarzini qayta ko‘rib chiqayotganini ta’kidladi. Ularning anglashicha, AQSh Yevropa uchun tobora ittifoqchi emas, balki raqib sifatida namoyon bo‘lmoqda.