Trampga suiqasd uyushtirishga urinishlar odatiy holga aylanib bormoqda

AQSh prezidenti Donald Trampga suiqasd urinishlari "odatiy holga" aylanib bormoqda, dedi AQSh Vakillar palatasi spikeri Mayk Jonson.

Jonson bu bayonotni Fox News telekanalida Oq uy yaqinida sodir bo‘lgan otishmaga javoban aytgan.

"Prezidentga qarshi uchta suiqasd urinishi bo‘lgan. Men ulardan ikkitasida u bilan birga edim va bu juda keng tarqalgan holga aylanib bormoqda", dedi u.

Jonsonning so‘zlariga ko‘ra, Tramp bunday tahdidlarni "ishning bir qismi" deb biladi.

U shuningdek, mamlakatdagi siyosiy keskinlikni kamaytirish zarurligini ta’kidladi va Demokratik partiya a’zolarini raqiblari haqida qo‘pol bayonotlar berishdan tiyilishga chaqirdi.

"Siz boshqa tomonni yomon ko‘rib, ularni nasistlar deb atay olmaysiz, prezidentni demokratiyaga tahdid deb atay olmaysiz va bu ba’zi aqldan ozgan odamlarni qo‘zg‘atmaydi deb o‘ylay olmaysiz", deb qo‘shimcha qildi spiker.