Trampga suiqasd qilishga urinishda ayblangan shaxs umrbod qamoq jazosiga hukm qilinishi mumkin

25 aprel kuni AQSh prezidenti Donald Tramp ishtirok etgan ziyofatda o‘t ochgan Koul Tomas Allen suiqasdga urinish ayblovi bilan umrbod qamoq jazosiga hukm qilinishi mumkin.

AQSh bosh prokurori vazifasini bajaruvchi Todd Blansh bu haqda e’lon qildi.

"Bugun Adliya vazirligi Kolumbiya okrugidagi federal sudda Koul Tomas Allenga qarshi uchta ayblov qo‘zg‘atdi. Birinchi ayblov - Amerika Qo‘shma Shtatlari prezidentiga suiqasd qilish. Bu jinoyat umrbod qamoq jazosiga sabab bo‘ladi", dedi u.

Blanshning so‘zlariga ko‘ra, sudlanuvchi ilgari AQSh prezidenti ishtirok etgan ziyofatda mehmonxona xonasini band qilgan va u yerda 24-26 aprel kunlari qolishi rejalashtirilgan edi.

Bosh prokuror shuningdek, tergovchilarning fikriga ko‘ra, huquqni muhofaza qilish organlari suiqasdga urinishning oldini olishga muvaffaq bo‘lganini aytdi. "Huquqni muhofaza qilish organlari muvaffaqiyasizlikka uchramadi", deb ta’kidladi u.

Allen shuningdek, og‘ir jinoyat sodir etish niyatida o‘qotar qurol va o‘q-dorilarni tashishda, shuningdek, zo‘ravonlik jinoyatini sodir etish uchun o‘qotar quroldan foydalanishda ayblanmoqda.

Sud sudlanuvchini hibsga oldi, birinchi sud majlisi 30 aprelga belgilangan.