Tramp - Zelenskiyga: "Ukraina uchun xavfsizlik kafolatlarini muhokama qilishga hali erta"

AQSh prezidenti Donald Tramp Ukraina uchun aniq xavfsizlik kafolatlarini muhokama qilishga hali erta, deb hisoblaydi.

Tramp bu haqda Nyu-Yorkda BMT Bosh Assambleyasining 80-sessiyasi doirasida Ukraina prezidenti Vladimir Zelenskiy bilan bo‘lib o‘tgan brifingda ma’lum qildi.

"Bu haqda gaplashamiz. Umid qilamanki, bu haqda biroz keyinroq gaplashamiz. Bu savolga javob berishga hali erta", - deya javob berdi Tramp jurnalistning Ukraina uchun xavfsizlik kafolatlarini taqdim etish imkoniyati haqidagi savoliga.

Rossiya-Ukraina mojarosini hal qilish kontekstida Rossiya yetakchisi Vladimir Putinga ishonchi haqida gapirar ekan, Tramp bir oy ichida u haqida o‘z fikrini bildirishi mumkinligini aytdi.

"Taxminan bir oydan keyin sizga xabar beraman", dedi AQSh prezidenti.