Tramp va Germaniya yangi kansleri o‘rtasida birinchi qo‘ng‘iroq: Ukraina uchun qanday qaror qabul qilindi?

GFR yangi kansleri Fridrix Mers 8 may, payshanba kuni AQSh prezidenti Donald Tramp bilan birinchi marta qo‘ng‘iroqlashdi. Suhbat davomida Mers Oq uy rahbarini Germaniyaga taklif qildi, Tramp esa o‘z navbatida GFR kanslerini Vashingtonga taklif qildi, deb xabar bermoqda dpa agentligi.

Yarim soatga yaqin davom etgan suhbatning asosiy qismi Ukrainadagi urush masalasiga bag‘ishlandi. GFR hukumati vakili Stefan Korneliusning ma’lum qilishicha, Germaniya va AQSh Rossiya harbiy tajovuzini to‘xtatish maqsadida yaqin hamkorlik qilishga kelishib olgan. Tramp va Mers Rossiya muzokaralar uchun maydonni bo‘shatish uchun o‘t ochishni to‘xtatishga borishi kerak, degan fikrga kelishdi. AQSh prezidenti Yevropaning Ukrainada tinchlik o‘rnatish bo‘yicha sa’y-harakatlarini qo‘llab-quvvatlashini aytdi, dedi Kornelius.

Mers va Tramp, shuningdek, mamlakatlar o‘rtasidagi savdo kelishmovchiliklarini imkon qadar tezroq hal qilish kerak, degan fikrga kelishdi.