AQSh sobiq prezidenti Donald Tramp mamlakat yetakchisi lavozimi uchun kurashda o‘zining vise-prezidenti bo‘lishga ehtimoliy nomzodlarni sanab o‘tdi. U 6 nafar siyosatchini nomladi, deb xabar berdi Fox News nashriga tayanib «Interfaks».
«To‘g‘risini aytsam, bu odamlarning barchasi yaxshi. Ular yaxshi, ishonchli odam», dedi u telekanalga bergan intervyusida.
Ro‘yxatga Trampning respublikachilar praymerizidagi sobiq raqiblari – Florida gubernatori Ron DeSantis, senator Tim Skott va tadbirkor Vivek Ramasvami kiritildi. Tramp, shuningdek, Janubiy Dakota gubernatori Kristi Noem, Vakillar palatasi a’zosi Bayron Donalds va 2022 yilda Demokratik partiyani tark etgan sobiq vakil Tulsi Gabbardni ham vise-prezident lavozimiga salohiyatli nomzodlar deb atadi.
Eslatib o‘tamiz, partiya ichidagi saylovlar iyun oyida yakunlanadi. Prezidentlikka nomzod e’lon qilinadigan Respublikachilar partiyasining qurultoyi iyul oyida bo‘lib o‘tadi.
AQSh prezidenti saylovi 2024 yil 5 noyabrga belgilangan
Zaxarova: Rossiyaning javobi o‘ta qattiq bo‘ladi
AQSh endi Markaziy Osiyoni e’tiborsiz qoldira olmaydi
Olimpiada-2024: Ilk jahon rekordi qayd etildi
